Դուբայում 2019թ. գրեթե 250 օր տևողությամբ զեղչեր կհայտարարվեն

Դուբայում հայտարարել են զբոսաշրջիկներին գրավելու նպատակով 2019 թվականին զեղչերի շրջանը երկարացնելու մասին, հաղորդում է РИА Новости-ն՝ Arabian Business հարթակին հղումով:

Հաջորդ տարի այն օրերի քանակը, որոնց ընթացքում խանութները գնորդներին տարաբնույթ զեղչեր են առաջարկում, կերկարաձգվի մինչև 247 օր: Զեղչերը կիրականացվեն տարեկան 18 անգամ:

Ընթացիկ տարում Դուբայում զեղչերի շրջանն ընդհանուր 178 օր է տևել և իրականացվել է 12 անգամ: Հաջորդ տարի հավելյալ զեղչեր կհայտարարվեն, մասնավորապես, Ռուսաստանում դպրոցական արձակուրդների և չինական Նոր տարվա շրջանում:

Ակնկալվում է, որ մինչև 2021 թվականը Դուբայում մանրածախ առևտրի ծավալը ընթացիկ տարվա համեմատ կաճի 25%-ով՝ հասնելով 160,7 մլրդ դիրհամի (մոտ 44 մլրդ դոլար):