Թրամփն ընդգծել է իր բացառիկությունը և ոչ թե G20-ում իր որոշիչ դերակատարությունը. CNN

Արգենտինայում կայացած G20 գագաթնաժողովում ԱՄՆ նախագահ Դոնալդ Թրամփը ցույց է տվել իր բացառիկությունը և ոչ թե իր որոշիչ դերակատարությունը, հաղորդում է CNN-ը:

Այս գագաթնաժողովում զգալի էր մասնակից երկրների հակադրությունը, փաստում է հեռուստաալիքը: Ջորջ Բուշ ավագի մահվան լուրից հետո ակնհայտ էր տարբերությունը նրա միավորող քաղաքականությամբ նախագահության և դեպի խորքային տրոհում տանող Թրամփի նախագահության միջև:

«Այսօր Միացյալ Նահանգների համար կարևոր օր է: Բոլոր ուղղություններով, իրոք, շլացուցիչ հաջողությունէ գրանցվել»,- լրագրողներին ասել է Թրամփի վարչակազմի բարձրաստիճան պատոնյան G20-ից հետո կայացած ճեպազրույցում:

Ինչ հաղթանակի մասին էլ հայտարարի Թրամփի վարչակազմը՝ լինի դա ԱՄՆ-ի Փարիզյան կլիմայի վերաբերյալ համաձայնագրից դուրս գալը կամ որևէ այլ բան, կարծես թե նրանք աշխատում էին «բացառիկության» ամերիկյան զգացումով, այլ ոչ թե երկրի որոշիչ դերակատարության պահպանման համար: Վերջիվերջո, սա պիրոսյան հաղթանակ է, և Միացյալ Նահանգները պետք է ուղիներ գտնի գերազանցելու այն, եթե ինչ որ ժամանակ կրկին իր վրա վերցնի առաջատարի դերակատարությունը:

Միակ նշանակալից փաստը Չինաստանի Ժողովրդական կուսակցության նախագահ Սի Ցզինպինի հետ ճաշի ժամանակ կայացած հանդիպումն էր: Թրամփը կարողացել է հետ քաշվել հենց ադունդի եզրից և պայմանավորվել 90-օրյա առևտրական «զինադադարի» մասին, նշում է հեռուստաալիքը: