Որոշ ուժերի ընտրապայքարը սովորական անեկդոտ է
Արդեն քանի օր է մեկնարկել է նախընտրական քարոզարշավը և դա բավական ժամանակ է՝ վերլուծելու մասնակից ուժերի քայլերն ու գնահատելու քարոզչության որակը։
Ընդհանուր առմամբ, կարող ենք փաստել, որ այս քարոզարշավը ողողված է մեկը մյուսի դեմ տակառ գլորելու հնարքներով։ Ոչ մի շեշտադրություն սեփական ծրագրերի ու մոտեցումների վրա, միայն նախկին կամ ներկա իշխանությունների սխալների վերհանում ու նսեմացում (հատուկենտ դեպքերը չհաշված)։
Զարմանալին և տարօրինակն այն է, որ նախկին իշխանություններին վատաբանելու գործին են անցել հատկապես մի շարք փոքր ու միջին կուսակցություններ և դաշինքներ, չհասկանալով, թե ինչ ծիծաղելի վիճակի մեջ են դնում։ Երբ նախկին իշխանություններին քննադատում, վատաբանում է «Իմ քայլը», հասկանալի և տրամաբանական է, բայց երբ դա անում են այլ ուժեր, ակամա դառնում են անեկդոտի հերոս:
Այսինքն, ծրագրերի մասին խոսելու, սեփական թիմը մարդկանց ճանաչելի դարձնելու փոխարեն, մասնակից ուժերի շոշափելի հատվածը թիրախավորել է ՀՀԿ-ին։ Ինչո՞ւ։ Ո՞րն է նպատակը։ Ի վերջո, արդեն կես տարի է ՀՀԿ-ն այլևս իշխանություն չէ, ինչը նշանակում է, որ երկրում առկա ցանկացած խնդրի թիվ մեկ հասցեատերը Նիկոլ Փաշինյանն ու իր թիմն են։
Երբ Նիկոլ Փաշինյանն է սկսում «ասֆալտին փռելու» մասին խոսել, դեռ ինչ-որ տեղ հասկանալի է․ նա թիրախավորում է իր հիմնական մրցակցին և փորձում սխալները վեր հանելով՝ ջախջախել։ Սակայն, երբ նորահայտ և, առավելևս, «հին» կուսակցություններն են լծվում այդ գործին, մեղմ ասած, անհասկանալի է։
Բացի այդ, մեկ այլ ուշագրավ զավեշտ էլ կա․ վերը նշված ուժերը, դեռ ընտրությունը չեղած, հայտարարում են, թե հավակնում են դառնալ հիմնական ընդդիմադիր ուժը։ Նախ, Նիկոլ Փաշինյանի ոտքի տակն ընկնելով, նրան քծնելով ընդդիմություն չեն դառնում, և ամենակաևորը, եթե ելել եք պայքարի չհաղթելու, այլ մի քանի աթոռ գրավելու համար, ապա լավ կլինի դադարեցնեք ձեր պայքարը:
Քարոզարշավին մասնակցող, հարգելի՛ փոքր ու միջին կուսակցություններ, որտեղի՞ց է գալիս ձեր կանխակալ մոտեցումը, ինչո՞ւ եք այդքան վստահ, որ առաջիկա ընտրություններում առաջատարը «Իմ քայլն է» լինելու, ո՞րն է ձեր նպատակն ու առաքելությունը։
Եթե ի սկզբանե գիտեք, որ հաղթելու է Նիկոլ Փաշինյանի թիմը, ինչո՞ւ եք մասնակցում առաջիկա ընտրություններին։ Եթե ընտրարշավը ընդամենը Փաշինյանին երդում տալու առիթ է, ապա դուք ձեզ ծիծաղելի իրավիճակի մեջ եք դնում և ճիշտ կլիներ պարզապես չմասնակցեիք այս ընտրություններին։
Եթե ամեն ինչ այդքան պարզ ու միանշանակ լիներ, ինչպես դուք եք պատկերացնում, Նիկոլ Փաշինայանը «ասֆալտին փռելու» մասին բոցաշունչ ելույթներ չէր ունենա, չէր «տաքացվի» նաև ՀՀ երկրորդ նախագահ Ռոբերտ Քոչարյանին կալանավորելու հարցը, չէին խոսվի նաև շատ և շատ այլ թեմաների մասին, օրինակ, պետությանն արվող անհասկանալի նվիրատվություններից։
Իրականում, ամեն-ինչ անորոշ է և կպարզվի միայն դեկտեմբերի 9-ից հետո, այնպես որ խնայե՛ք Ձեր քաղաքական «անունը», հերթական անգամ մի արատավորեք ձեզ և ձեր «անգաղափար պայքարը» դրոշակ մի՛ դարձրեք։
Գրիգոր Հայրապետյան
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...