Նույն «պետականաշինական» նկատառումներով էին դիմավորում նաև Սերժ Սարգսյանին
Մեկնարկել է Ազգային Ժողովի ընտրությունների քարոզարշավը և բավական հետաքրքիր է հետևել ոչ միայն քաղաքական ուժերի քայլերին, այլև ևս մեկ անգամ շոշափել հանրության տրամադրությունները։
Այն, որ քաղաքական ուժերը ծրագրային լուրջ առաջարկների փոխարեն միմյանց վրա ցեխ շպրտելով են զբաղված ակնհայտ է՝ ոչ թե հասարակությանը, այլ միմյանց ուղղված քարոզչական սյուժեներ, բեմահարթակներից հնչող մեղադրանքներ, ասֆալտին փռելու սպառնալիքներ և այլն։
Ինչ խոսք, սպասելի էր քարոզչության նման ընթացքը՝ հաշվի առնելով մասնակից ուժերում ընդգրկված պատգամավորի թեկնածուների մեծ մասի կշիռը, ավելի ճիշտ՝ դրա բացակայությունը, և վերջիններիս քաղաքական անցյալը, ավելի ճիշտ՝ դրա բացակայությունը։
Այս ֆոնին որոշ չափով անակնկալ էր հանրության ցուցաբերած մոտեցումն առ այդ քաղաքական ուժեր։ Ցավոք, պարզվեց, որ հանրության մտածողության մեջ ամենևին էլ տեղի չի ունեցել որև է հեղափոխություն։
Մասնավորապես,Նիկոլ Փաշինյանի մարզային այցելություններից մեկի ժամանակ, երբ լրագրողը հարցրեց, թե ինչո՞ւ են դպրոցի երեխաներին ու ուսուցիչներին քարոզարշավի բերել, դպրոցի տնօրենի կողմից ստացվեց մի անկեղծ և շա՜տ բնութագրական պատասխան․ «Մենք քաղաքականության հետ գործ չունենք, մենք պետականաշինությամբ ենք զբաղված, մենք դիմավորում ենք մեր վարչապետին»։ Ահա՛ այսպիսի «հանճարե՜ղ» պատասխան։ Այս մարդիկ նույն «աղուհացով» ու «պետականաշինական» նկատառումներով էին դիմավորում նաև Սերժ Սարգսյանին ու նրա նախորդներին․․․․
Ցավալին այն է, որ այս երևույթը չի վերաբերում միայն մեկ համայնքի կամ մարզի․ համատարած նույն մտածողությունն է։ Ոչինչ չի փոխվել, փոխվել են միայն իշխանական դերակատարները։ Իսկ եթե հասարակության մտածողության մեջ տեղի չի ունեցել որևէ հեղափոխություն և մեխանիզմը շարունակում է «հին օրենքներով» աշխատել, ապա պատրանք է խոսել հեղափոխություն երևույթի մասին առհասարակ։
Աննա Բաղդասարյան
Top-News.am
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Ուկրաինացի բժիշկները ռազմագերիների վիրահատություններ են կատարել առանց անզգայացման
Հայ-վրացական գազատարը Հայաստանի խնդրանքով կտեղափոխվի
Իրանում պատերազմը Հնդկաստանին կանգնեցրել է գազային ճգնաժամի առաջ
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ազգային ժողովը շարունակում է իր քառօրյա նիստերի աշխատանքը (տեսանյութ)
Իրանը 100 հրթիռ է արձակել ամերիկյան շատ կարևոր օբյեկտի ուղղությամբ. Թրամփ
ԱՄՆ-ը և Իսրայելը Իրանի արտգործնախարարին հանել են թիրախային ցուցակից
Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի ա...