Բացահայտվել է ամերիկյան ծովային արկերի առեղծվածային պայթյունների պատճառը

ԱՄՆ Մթնոլորտային հետազոտությունների ազգային կենտրոնի գիտնականները ապացուցել են, որ Վիետնամում պատերազմի ընթացքում ծովային արկերի ինքնաբուխ պայթյունների պատճառը գեոմագնիսական փոթորիկներն են եղել։ Այս մասին հաղորդում է Gizmodo-ն:

1972 թ. ԱՄՆ ռազմածովային ուժերը Pocket Money անվանումով ռազմական գործողություն են իրականացրել, որի շրջանակներում ականապատել են մի քանի հյուսիսվիետնամական նավահանգիստներ։ Օգոստոսի 4-ին, ինքնաթիռի անձնակազմի անդամները նկատել են, որ ծովում պայթյուններ են տեղի ունենում։ 30 վայրկյանի ընթացքում 25-30 պայթյուն է տեղի ունեցել։

Գիտնականների կարծիքով՝ անսպասելի պայթյունների պատճառներից մեկը այն է, որ ականները մագնիսական են եղել։ Այդ ժամանակահատվածում արեգակի վրա տեղի ունեցած մագնիսական փոթորիների արդյունքում էներգիայի արտահոսքը հասել է մինչև Երկիր։ Արդյունքում խափանումներ են առաջացել ոչ միայն էլեկտրամատակարարման, այլև հեռագրային գծերում։