«Մոնակոյի» սեփականատեր Դմիտրի Ռիբոլովլևին ազատ են արձակել կալանքից

Ֆրանսիական «Մոնակոյի» նախագահ Դմիտրի Ռիբոլովլևի ներկայացուցիչ Դմիտրի Չեչկինը Championat.com-ին հայտնել է, որ ռուս գործարարն ազատ է արձակվել կալանքից, լքել է ոստիկանության շենքն ու գտնվում է իր տանը:

 Փաստաբանների պաշտոնական մեկնաբանությունները կհրապարակվեն մոտ ժամանակներս: 

Հիշեցնենք, որ նոյեմբերի 6-ին հայտնի ռուս գործարարը կալանավորվել էր:

 Հաղորդվում էր, որ մոնեգասկյան ակումբի սեփականատիրոջ ձերբակալությունը կապված է նրա նկատմամբ կոռուպցիայի գործով հետաքննության հետ: Նրա տանը խուզարկություն էր իրականացվել:

 Ռիբոլովլևը «Մոնակոյի» սեփականատերն է դարձել 2011 թվականի դեկտեմբերին: