18-ամյա աշակերտը սպառնացել է պայթեցնել Մայամիի օդանավակայանը՝ բիթքոինում ներդրած գումարը կորցնելու պատճառով

Հնդկաստանի Ութար Պրադեշ նահանգից 18-ամյա աշակերտը սպառնացել է պայթեցնել Մայամիի օդանավակայանը, քանի որ Հետախուզությունների դաշնային բյուրոյի աշխատակիցները չեն օգնել իրեեն վերադարձնել բիթքոյինում արված, սակայն կորցրած ներդրումները: Այս մասին հաղորդում է The Next Web-ը:

Երիտասարդը բիթքոյինում 1000 դոլար է ներդրել, որը պարտքով հորից է վերցրել: Նրա խոսքով՝ հինգ ամսում իրեն հաջողվել է հսկայական եկամուտ ստանալ: Որոշ ժամանակ անց ԱՄՆ-ից անհայտ օգտատերը նրան առաջարկել է բազմապատկել գումարը, սակայն երիտասարդից փողերը ստանալով՝ անհետացել է:

Տղան պնդում է, որ առնվազն 50 անգամ FBI-ին է դիմել՝ խնդրելով պարզաբանել խարդախությունը: Ի վերջո, երիտասարդը սկսել է սպառնալ: Նա Մայամիի օդանավակայան է զանգահարել և սպառնացել պայթեցնել АК-47-ը՝ նռնակներով և մահապարտի գոտիով: