Պարեցինք, երգեցինք, քրտնեցինք, դինջացանք

Պարեցինք, երգեցինք, քրտնեցինք, դինջացանք .
---------------------------------------------------
դե հիմա մտածենք, թե ինչպես պիտի Հայաստանի գյուղերն ու շեները դարձնենք հարմար, բարետես, ծաղկուն և հարուստ բնակավայրեր ( հանրային աշխատանքներ, ճանապարհներ, կոմունիկացիաներ, դպրոցներ, ֆերմաներ ): Ընդամենը 2-3 տարում : Միանգամայն հնարավոր է : Ոչ: Թոմաս Մորի ,,ՈՒտոպիան,, կարդալ պետք չէ : Պետք է խորությամբ և սիրով ուսումնասիրել Ֆրանկլին Ռուզվելտի կառավարման 1932-36 թթ. ընգրկող հատվածը : Չորս տարում օլիգարխիայից խեղդված, մեծ դեպրեսիայից տապալված, բանդիտիզմից ահաբեկված, ցանքատարածքներն անապատ դառած, գործարանների կեսից շատը կազմալուծված, բանկերը - դատարկված, մարդկանց 30%-ը սոված ( բառի բուն իմաստով ), կոմունիստական պրովակատորներից թունավորված Ամերիկան ոտքի կանգնեցրեց: Եվ արեց մոնոպոլիստներից եկող հաշվեհարդարի վտանգի և սոցիալիստների բորբոքած դեմագոգիայի մթնոլորտում : Դա արեց հաշմանդամի սայլակին գամված մի խելացի մարդ - իր հայրենասիրության և հզոր ուղեղային տրեստի շնորհիվ:
Հիմա, փառք աստծո, ոչ մեր վարչապետն է ինվալիդ - կալյասկին նստած, ոչ էլ նրա ջահել շրջապատը : Դե, հայրենասիրությունն էլ ծովից ծով է : Ի գործ :

Վարդգես Դավթյանի ֆեյսբուքյան էջից