Փրկարարները ջրից դուրս են բերել կործանված ինդոնեզական Boeing-ի սեւ արկղը

Փրկարարները նոյեմբերի 1-ին ջրից դուրս են բերել Lion Air ինդոնեզական ավիաընկերության ինքնաթիռի ինքնագրիչը, որը կործանվել Է Ճավայի ծովի երկնքում: Այդ մասին, հայտնել Է The Jakarta Post թերթը:

Հրատարակության տեղեկատվության համաձայն՝ Որոնման ու փրկման ազգային գործակալության մասնագետները սարքը տեղադրել են հատուկ բեռնարկղի մեջ, որը բարձրացվել Է ջրի մակերեւույթ: Առաջիկա ժամերին սեւ արկղը պետք Է հասցվի ափ:

Ավելի վաղ փրկարարները պատմել Էին, որ ինքնագրիչը գտնվում Է մոտավորապես 30 մետր խորության վրա: Boeing կորպորացիայի ներկայացուցիչները ժամանել են Ինդոնեզիայի տրանսպորտում անվտանգության ապահովման կոմիտե, որտեղ անցկացվելու Է կործանված ինքնաթիռի հայտնաբերված ինքնագրիչի վերծանումը: Այդ մասին նոյեմբերի 1-ին հայտնել Է գերատեսչության ղեկավար Սոերջանտո Տաջահոնոն:

«Ներկայում դժվար Է ասել՝ որքան ժամանակ կպահանջի ինքնագրիչի տվյալների վերծանումը, դա կախված կլինի նրա վիճակից, որը հնարավոր կլինի գնահատել միայն հատուկ լաբորատորիայում»,- նրա խոսքը մեջբերել Է Detik պորտալը: Lion Air բյուջետային ավիաընկերության Boeing 737-ը հոկտեմբերի 29-ին կատարում Էր JT610 չվերթը Ջակարտայից Պանկալպինանգ քաղաք (Բանգկա Բելիտունգի նահանգի վարչական կենտրոն): Մայրաքաղաքի օդանավակայանից թռիչքից մոտավորապես 13 րոպե անց առայժմ չպարզված պատճառով այն ընկել Է Ճավայի ծովը: Ինքնաթիռում եղել Է 189 մարդ: Հետաքննությունը պատահածի որեւԷ վարկած առայժմ չի առաջադրում, հաղորդել Է ՏԱՍՍ-ը: