Միանձնուհուց՝ պոռնոդերասանուհի

Կոլումբիայում միանձնուհին կտրուկ փոխել է իր գործունեությունը։ 8 տարի մենաստանում ապրելուց հետո Յուդի Պինեդան պոռնոդերասանուհի է դարձել՝ տեղեկացնում է Mirror-ը։

Ընդ որում, նա իր նոր աշխատանքը «կարգին ու արտիստիկ» զբաղմունք է համարում եւ վստահեցնում է, որ դրանում որեւէ վատ բան չկա։

Յուդին շարունակում է եկեղեցի գնալ եւ բաց չի թողնում կիրակնօրյա պատարագը։ Նրա խոսքերով՝ երբ ինքը դպրոցում սովորելիս է եղել, իրենց մոտ միանձնուհի է եկել։ Նրա այցն այնքան է տպավորել Յուդիին, որ աղջիկը եւս որոշել է մենաստան գնալ։ Նա այնտեղ 8 տարի է անցկացրել, որպեսզի միանձնուհի դառնա, սակայն սիրահարվել է աստվածաբանության ուսուցչին եւ որոշել է հրաժարվել այդ մտադրությունից։

Նա հեռացել է մենաստանից եւ սկսել է աշխատել Nestle ընկերությունում, որտեղ էլ Յուդիին տեսել եւ մեծահասակների համար իր կայքում աշխատանքի է հրավիրել Խուան Բուստոսը։