Եվրոպայում որտեղ են ամենից երկար ապրում

Եվրոպական միության վիճակագրական ծառայության տվյալներով (Eurostat)՝ Շվեյցարիան առաջատար դիրքեր է զբաղեցնում եվրոպական երկրների շրջանում կյանքի ամենաերկար տեւողությամբ։ Ծառայության տվյալները փոխանցում է շվեյցարիական ազգային SRG SSR հեռուստաընկերության SWI տեղեկատվական ծառայությունը։

Eurostat–ի տվյալներով՝ կյանքի միջին տեւողությունը Շվեյցարիայում 83.7 տարի է կազմում։ Երկրորդ տեղում Իսպանիան է 83.5 տարի արդյունքով, իսկ եռյակը փակում Իտալիան՝ 83.4 տարի կյանքի միջին տեւողությամբ։

Ընդ որում, ծառայության տվյալներից երեւում է, որ Եվրոպայում կյանքի ամենակարճ տեւողությունը արձանագրվել է Բուլղարիայում, Լատվիայում եւ Լիտվայում՝ այստեղ միջին տեւողությունը 74.9 տարի է, փոխանցում է Gazeta–ն։