Ռուսաստանում 20-ամյա հարբած մայրը երեխային դուրս է նետել պատշգամբից

Ռուսաստանի Դաշնության կազմում ընդգրկված Կարելիա Հանրապետության 20-ամյա բնակչուհին, հարբած վիճակում գտնվելով, պատշգամբից ցած է նետել իր մանկահասակ երեխային: Երեխան ողջ է մնացել:

Ինչպես հայտնում է РИА Новости-ն՝ հղում անելով ՌԴ Քննչական կոմիտեի տարածքային վարչությանը, կատարվածի առնչությամբ քրեական գործ է հարուցվել՝ «մանկահասակ երեխայի մահափորձ» հոդվածով:

Հետաքննության տվյալներով՝ հոկտեմբերի 26-ի գիշերը հարբած կինն իր փոքրիկ աղջկան դուրս է նետել երկրորդ հարկի պատշգամբից, ինչից հետո պառկել է քնելու: Հարևանները, որոնք լսել են աղջկա լացի ձայնը, շտապ օգնություն են կանչել: Փոքրիկին տեղափոխել են հիվանդանոց՝ ցրտահարությամբ և դեմքի նուրբ հյուսվածքների վնասվածքով:

Հաղորդվում է, որ կասկածյալը ձերբակալվել է: Նրան կալանավորելու միջնորդություն կներկայացվի դատարան: