Ամերիկյան ինքնաթիռը Ղրիմի առափնյա շրջանում հետախուզություն է կատարել

ԱՄՆ ռազմածովային ուժերի Boeing P-8A Poseidon ինքնաթիռը հետախուզական նպատակներով թռիչքներ է կատարել Ռուսաստանի սեւծովյան ափերին՝ տեղեկացնում է Plane Radar-ը։

168438 բորտային համարով ինքնաթիռը թռիչք է կատարել Ղրիմի եւ Կրասնոդարի առափնյա շրջանների վրայով։ Սեւաստոպոլի մոտ ինքնաթիռը 35կմ մոտեցել է ափին։

Բացի այդ, նույն շրջանում կիրակի օրը նույնպես հետախուզական թռիչքներ է կատարել ամերիկյան Global Hawk անօդաչուն, որն իր թռիչքը մեկնարկել է Սիցիլիայի Սիգոնելլա ավիաբազայից։

Թռչող սարքը նախ հետազոտել է Դոնբասի հետ ռուսական սահմանը, ապա նույնպես անցել Ռուսաստանի սեւծովյան ափերով։

Վերջին ժամանակներս արտասահմանյան հետախուզական ինքնաթիռների եւ անօդաչուների ակտիվությունը ռուսական սահմանների մոտ հաճախակիացել է։

ՌԴ ՊՆ-ն բազմիցս Վաշինգտոնին կոչ է արել հրաժարվել նման գործողություններից, սակայն Պենտագոնը մերժողական պատասխաններ է տվել։