Հռոմի պապը ներողություն է խնդրել երիտասարդներից

Հռոմի Ֆրանցիսկոս Պապը ներողություն է խնդրել երիտասարդներից՝ հոգևորականների կողմից իրենց խնդիրներին բավարար ուշադրություն չդարձնելու համար։

«Մեր բոլորիս, մեծահասակներիս անունից, ուզում եմ երիտասարդներին ասել՝ ներեցեք մեզ, եթե հաճախ մենք չենք լսել ձեզ, եթե ձեր սրտերը բացելու փոխարեն՝ մենք լցնում էինք ձեր ականջները: Որպես Քրիստոսի եկեղեցի, մենք ուզում ենք լսել ձեզ սիրով, վստահ լինելով երկու բանի մեջ՝ որ ձեր կյանքը թանկ է Աստծուն, քանի որ Աստված երիտասարդ է և սիրում է երիտասարդներին և որ ձեր կյանքը նույնպես մեզ համար թանկ է, նույնիսկ անհրաժեշտ է առաջ գնալու համար » -ասել էՊապը: Այս մասին նա հայտարարել է կիրակնօրյա պատարագի ժամանակ Վատիկանի Սուրբ Պետրոսի տաճարում ՝Հռոմի կաթոլիկ եկեղեցու եպիսկոպոսների Սինոդի ավարտի կապակցությամբ։