Պաշտոնական. Ռակիտիչը «Բարսելոնայում» կմնա մինչեւ 2021 թվականը

«Բարսելոնան» ու խորվաթ կիսապաշտպան Իվան Ռակիտիչը պայմանավորվել են գործող պայմանագիրը երկարաձգելու վերաբերյալ, հայտնում է ակումբի կայքը:

28-ամյա ֆուտբոլիստի նոր պայմանագիրը նախատեսված կլինի մինչեւ 2021 թվականի հունիսի 30-ը, իսկ կլաուզուլան կկազմի 125 միլիոն եվրո: Կողմերը նոր պայմանագիրը կկնքեն մարտի 10-ին:

Ռակիտիչի նախորդ պայմանագրի ժամկետը լրանում էր 2019-ի ամռանը:

Խորվաթ կիսապաշտպանը 2014-ի ամռանն իսպանական «Սեւիլիայից» է տեղափոխվել «Բարսելոնա», որի կազմում անցկացրել է 145 պաշտոնական խաղ եւ խփել 23 գոլ:

news.am