Ռուսաստանն ու Չինաստանը գաղտնալսում են Թրամփի iPhone-ը

New York Times-ը հոդված է հրապարակել, որում ասվում է, որ ԱՄՆ նախագահ Դոնալդ Թրամփի շրջապատը մտավախություն ունի, որ նրա հեռախոսային զրույցները կարող են գաղտնալսվել օտարերկրյա հետախուզական ծառայությունների կողմից։

Փորձագետները նշում են, որ Թրամփի կողմից օգտագործվող iPhone-ը ամբողջական անվտանգությամբ ապահովված չէ ու կարող է գաղտնալսվել ռուսական կամ չինական հետախուզությունների կողմից։ Չնայած այս վտանգին՝ Թրամփը շարունակում է օգտագործել այն՝ Սպիտակ տան ավելի անվտանգ հեռախոսների փոխարեն։

Թրամփի օգտագործման տակ է 3 iPhone, որոնցից 2-ը փոփոխված են անվտանգության գործակալության կողմից։ Այս 2 հեռախոսների գործառույթները սահմանափակված են, որպեսզի նվազեցվեն գաղտնալսման հնարավորությունը, սակայն հավանականությունը բացառված չէ։

New York Times-ը գրել է, որ նախորդ նապագահները, այդ թվում նաև Բարաք Օբաման, նախագահության ժամանակ չեն օգտագործել սմարթֆոներ։