Տղամարդը հող է գնել, անկախություն և միապետություն է հայտարարել

Գերնսի կղզու բնակիչը պարզաբանումներ է պահանջել ՄԱԿ–ից այն բանից հետո, երբ տեղի իշխանությունները չեն ճանաչել նրան որպես՝ մի քանի տարի առաջ ձեռք բերած յոթ հարյուր քառակուսի մետր հողի ինքնիշխան միապետ։ Այս մասին գրում է The Independent-ը։

2011 թվականին 46-ամյա Սթիվ Օժյեն 46-ը 15-ի վրա մակերեսով հողատարծք է գնել։ Նա մի քանի տարի հավաքել է այդտեղ իր իրերը, իսկ 2017 թվականին որոշել է այդ տեղում մեկ հարկանի տուն կառուցել։ Գեռնսիի իշխանությունները հավանություն չեն տվել նրա ծրագրին և արգելել են շինարարությունը, ասելով, որ այդ տեղը նախատեսված չէ բնակության համար։

Ի պատասխան դրան Օժյեն իր հողատարածքն Էվերլենդ անունով անկախ թագավորություն է հռչակել և դարձել է դրա թագավորը։ Այնուհետև նորաթուխ թագավորը դատարան է դիմել և պահանջել է, որպեսզի տեղի իշխանություններին արգելեն խառնվել ինքնիշխան պետության գործերին։

Նա հիմք է ընդունում 1933 թվականին ստորագրված Մոնտեվիդեոյի կոնվենցիան, որի համաձայն պետականության չափորոշիչներ են համարվում համապատասխան տարածքի, սեփական կառավարության, մշտական բնակչության և այլ ազգերի հետ հարաբերվելու ունակության առկայությունը։

Օժյեի կարծիքով՝ Էվերլենդը բավարարում է այդ բոլոր պահանջներին։