Գերմանիայի ԱԳՆ-ն իր քաղաքացիներին կոչ է անում զգույշ լինել Թուրքիայում սոցցանցերում գրառումներ կատարելիս
Գերմանիայի ԱԳՆ-ը զգուշացրել է Թուրքիա մեկնող իր քաղաքացիներին զգուշավոր լինել այդ երկրի տարածքում սոցցանցերում գրառումներ կատարելիս:
Ատրգործնախարարության պաշտոնական կայքում «ճամփորդական տեղեկատվություն» բաժնում Թուրքիայի վերաբերյալ արված լրացումների մեջ նշվել է, որ Թուրքիայում քրեական հետապնդման պատճառ կարող է դառնալ կառավարությանը քննադատող հոդվածներով սոցցանցերում կիսվելը և նույնիսկ այդ հոդվածներին «հավանում» տալը: Որպես օրինակ նշվել է հանրապետության նախագահին վիրավորելու կամ ահաբեկչության օգտին քարոզ անելու մեղադրանքներով դատավարությունները:
Գերմանիայի արտաքին գերատեսչությունը զգուշացրել է, որ դատական հետապնդումների պատճառ կարող են դառնալ նույնիսկ այնպիսի գրառումները, որոնք ըստ գերմանական դատական օրենսդրության՝ լիովին տեղավորվում են խոսքի ազատության շրջանակներում:
«Ավելին այդ հետապնդումները կարող են վերջանալ ազատազրկումներով»,- ասված է հայտարարության մեջ:
Թուրքական աղբյուրն էլ հիշեցրել է, որ Թուրքիայում բնակվող կամ Թուրքիա այցելած մի շարք Գերմանիայի քաղաքացիներ արդեն ձերբակալվել կամ կալանավորվել են սոցցանցերում կատարած գրառումների պատճառով: Գերմանական իշխանությունները այդ ձերբակալությունները կամայական են որակել:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Տավուշում ոչ մի գազատար չի կառուցվել, նման գործընթաց չկա. մարզպետ
Հայ-վրացական գազատարը Հայաստանի խնդրանքով կտեղափոխվի
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները