Կատալոնիան աջակցություն է հայտնում մեկ տարի առաջ ձերբակալված անկախության առաջնորդներին

Կատալոնիայի առաջնորդներին ձերբակալելու տարելիցի օրը հազարավոր մարդիկ դուրս են եկել Բարսելոնայի փողոցներ:

Երեքշաբթի մինչև ուշ երեկո շարունակված հանրահավաքում, նրանք
աջակցություն են հայտնել բանտերում գտնվող Կատալոնիայի անկախության
առաջնորդներին:

Անկախության կողմնակիցները թափահարելով կապույտ,կարմիր, դեղին դրոշներ բացականչում էին՝ «Կեցցե Կատալոնիայի Հանրապետությունը»։
Ցուցարարներից մեկը «Ռոյթերզ»-ին ասել է. - «Մեզ միայն մի ճանապարհ է
մնացել՝ գնալ առաջ, կանգ չառնել, քանի դեռ չենք հասել Կատալոնիայի
Հանրապետության ստեղծմանը»:

Մեկ տարի առաջ Կատալոնիան կողմ քվեարկեց անկախությանը, սակայն Իսպանիայի կենտրոնական իշխանությունը չնդունեց հանրաքվեի արդյունքները և ձերբակալեց անկախության շարժման առաջնորդներին:
Այդ իրադարձություններից մեկ տարի անց լարվածությունը դեռ չի մարում:
Բարսելոնայում պարբերաբար ակցիաներ են անցկացնում ինչպես անկախության,
այնպես էլ Իսպանիայի տարածքային ամողջականության կողմնակիցները: