Անհավատարիմ կնոջ եւ նրա սիրեցյալի պատվիրած տաքսու վարորդը խաբված ամուսինն է եղել

Կոլումբիայում կինը եւ նրա սիրեկանը տաքսի են կանչել՝ հյուրանոց գնալու համար, սակայն ղեկի մոտ նրա ամուսինն է եղել՝ տեղեկացնում է El Espectador-ը։

Յեմի անունով կոլումբիացի կինը մեկ տարուց ավելի կարողացել է թաքցնել իր սիրավեպը։ Նպատակ ունենալով երեկոն անցկացնել հյուրանոցում՝ սիրահարները Uber ծառայության միջոցով տաքսի են կանչել։ Համոզված լինելով, որ Լեոնարդո անունով վարորդը ոչ մեկին ծանոթ չէ, նրանք սպասել են ավտոմեքենային։

Պարզվել է, որ Լեոնարդոն այդ օրը տաքսին տրամադրել է իր ընկերոջը՝ Յեմիի ամուսնուն։ Ոչինչ չկասկածող ամուսինն ամեն ինչի մասին իմացել է, երբ զույգը նստել է մեքենայի մեջ։

Ըստ El Especrtador-ի՝ ոմանք ասում են, որ զույգը հասցրել է փախչել, մյուսները՝ թե ամուսինը մեծ աղմուկ է բարձրացրել։