«Եթե ես չընտրվեի, պատերազմ կլիներ». Թրամփ
Միացյալ Նահանգների նախագահ Դոնալդ Թրամփը ՄԱԿ-ի Գլխավոր վեհաժողովում ելույթ ունենալուց հետո մասնակցել է մամուլի ասուլիսի, որի ժամանակ հայտարարել է, որ եթե ինքը 2016թ. չընտրվեր ԱՄՆ նախագահ, պատերազմ կսկսվեր, միլիոնավոր մարդիկ կզոհվեին:
Ինչպես նշում է Daily Mail-ը, ԱՄՆ ղեկավարը մանրամասնել է, որ հակառակ դեպքում Միացյալ Նահանգների ու Հյուսիսային Կորեայի միջև արյունալի պատերազմ էր սկսվելու:
«Նրանք ասում էին. «Օ՜, Թրամփը սարսափելի բաներ է ասում: Նա մեր գլխին պատերազմ կբերի: Բայց ասեմ ձեզ՝ պատերազմը կլիներ, եթե ես չընտրվեի: Նախագահ Օբաման պատրաստ էր պատերազմ սկսել: Չգիտեք, թե նա որքան մոտ էր պատերազմի ձգանը քաշելուն: Արդյունքում դուք պատերազմի մեջ կլինեիք ու կկորցնեիք ոչ թե հազարավոր, այլ միլիոնավոր մարդկանց»,-նշել է Թրամփը:
ԱՄՆ նախագահը շարունակել է՝ մանրամասնելով, որ միջուկային պատերազմը կոչնչացներ Հարավային Կորեայի մայրաքաղաք Սեուլն ու դրա բնակչությունը:
Թրամփն ընդգծել է, որ ինքն ավելի շատ հարգանքի է արժանի հյուսիսկորեական միջուկային սպառնալիքի վերացման ու երկրի ղեկավար Կիմ Չեն Ընի հետ լավ հարաբերությունների հաստատման համար:
«Նա հավանում է ինձ, ես հավանում եմ նրան, մենք լեզու ենք գտնում: Նա ինձ գրել է երկու հիասքանչ նամակ, որոնք իսկական արվեստի գործ են: Կարծում եմ, որ մեզ կհաջողվի համաձայնագիր կնքել»,- եզրափակել է ԱՄՆ նախագահը:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Հայ-վրացական գազատարը Հայաստանի խնդրանքով կտեղափոխվի
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...