Ինչպես է պետք սիրել կնոջը

Մարտի 8: շատերը շտապում են նվեր գնել կնոջ, ընկերուհու, կուրսընկերուհու համար: Ոմանք նվերը գնում են՝ մտքում հայհոյելով այս տոնը հորինողներին:

Կանայք էլ սպասում են նվերների: Բոլորը կամ գրեթե բոլորը ընդունում են, որ կինը տարվա մեջ ընդամենը մեկ տոն ունի: Ընդունում են եւ այդպես ապրում, իսկ տղամարդիկ կամ նրանց որոշ մասը կարծում են, թե կնոջը հարգում եւ սիրում են, եթե նրանց համար մարտի 8-ին նվեր են գնում:

Իրականում այդ նվերը արժեզրկվում, հավասարվում է կեղտի, եթե դուք ընտրակաշառք եք բաժանում կամ ընտրակաշառք վերցնում: Դուք ընտրակաշառք վերցնելով գետնովն եք տալիս ոչ միայն ձեր, այլեւ ձեր կնոջ, ձեր ընտանիքի պատիվը:

Եթե դուք ցանկանում եք իմանալ, թե ինչպես պետք է սիրել կնոջը, ապա նախ եւ առաջ ապրեք արժանապատիվ կյանքով, որ ձեր կինն էլ իրեն ստորացված չզգա: Երբ դուք ձեր ձայնը ծախում եք օրական հինգ կամ տասը դրամով, ապա դուք ոչ միայն քրեորեն պատժելի արարք եք թույլ տալիս, այլ նաեւ անպատվում եք ձեր ընտանիքը: 

Ոչ մի կնոջ համար հաճելի չէ տեսնել, որ մեկ այլ տղամարդ ինչ որ գումարով իր ամուսնուն թելադրում է, թե ինչպես պետք է քվեարկել եւ ապրել առաջիկա հինգ տարիներին:

Սթափվեք գժուկներ:

Աննա Բաղդասարյան