«Ռեալն» ու «Բավարիան» որոշեցին հաղթել նույն հաշվով

Ֆուտբոլի Չեմպիոնների լիգայի խաղարկության 1/8-րդ եզրափակիչ առաջին երկու պատասխան խաղերում հաղթեցին հյուրերը՝ Մադրիդի «Ռեալը» եւ Մյունխենի «Բավարիան»:

Ընդ որում, նրանք «Նապոլիին» եւ «Արսենալին» հաղթեցին այն նույն հաշիվներով, ինչ առաջին խաղերում: Մադրիդցիները հաղթեցին 3:1, իսկ բավարացիները՝ 5:1 հաշվով:

Ի դեպ, երկու թիմերն էլ առաջինը գոլ բաց թողեցին, բայց հետո կարողացան բեկել խաղի ընթացքը:

«Ռեալի» կազմում գոլերը խփեցին Ռամոսը՝ երկու անգամ եւ Մորատան, իսկ բավարացիներից աչքի ընկան Լեւանդովսկին, Ռոբենը,Կոստան եւ երկու անգամ Վիդալը:

«Ռեալը» եւ «Բավարիան» դուրս եկան 1/4-րդ եզրափակիչ: հենց այս թիմերն էլ Չեմպիոնների լիգայի գավաթի խաղարկության հաղթողի ամենահիմնական հավակնորդներն են:

Top-News.am