«Նապոլիի» ֆանատները փորձել են խանգարել «Ռեալի» ֆուտբոլիստների քունը

Իտալական «Նապոլիի» երկրպագուներն այս գիշեր փորձել են խանգարել Իտալիա ժամանակ Մադրիդի «Ռեալի» ֆուտբոլիստների քունը:

Մոտ 100 երկրպագուներ «Ռեալի» հյուրանոցի մոտ այնպես են արել, որպեսզի հարեւանությամբ գտնվող մեքենաների տագնապի ազդանշաններն աշխատեն, հայտնում է Sport.es-ը:

«Նապոլիի» ֆանատները նաեւ աղմկել են հյուրանոցի մոտ գնվող փողոցում:

Դրա պատճառով «Ռեալի» գլխավոր մարզիչ Զինեդին Զիդանը չեղյալ է հայտարարել առավոտյան մարզումը: Արքայական ակումբը Նեապոլ է ժամանել Չեմպիոնների լիգայի 1/8 եզրափակիչի պատասխան խաղի համար: Առաջին խաղում «Ռեալը» «Նապոլիին» տանը հաղթել է 3:1 հաշվով:

«Նապոլի» - «Ռեալ» խաղը մարտի 7-ին է եւ կսկսվի Երեւանի ժամանակով 23:45-ին:

news.am