Թուրքիան չի հրաժարվի իրանական գազից ԱՄՆ-ի պատժամիջոցների պատճառով. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Միացյալ Նահանգների կողմից Իրանի նկատմամբ սահմանվելիք նոր պատժամիջոցների պատճառով Թուրքիան չի պատրաստվում հրաժարվել իրանական գազից, գրում է թուրքական «Սաբահ» պարբերականը։

Էրդողանը շեշտել է, որ Իրանը Թուրքիայի հարևանն է և որ Թուրքիան մեծ քանակությամբ իրանական գազ է սպառում ներկայում։

«Իսկ ո՞վ է մեզ տալու այդ «կապույտ վառելիքից», եթե մենք կասեցնենք իրանական գազի մատակարարումը», - ասել է Թուրքիայի նախագահը։

Ավելի վաղ հայտնի է դարձել, որ եթե ԱՄՆ-ն սկսի պատժամիջոցներ կիրառել Իրանից նավթ գնող երկրների նկատմամբ, Թուրքիան, որպես Իրանի հարևան, այդ ամենից զերծ չի մնա, և այդ երկրի համար որևէ բացառություն չի արվի։

Հայտնի է, որ ԱՄՆ-ն 180 օր ժամանակ է տվել Թուրքիային, որպեսզի թուրքական ընկերությունները կամաց-կամաց կարողանան կտրել իրենց կապն Իրանի հետ։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով