Թուրքիան փորձել է Մոնղոլիայից առեւանգել Գյուլենի կողմնակիցներից մեկին

Մոնղոլիայում թուրք մանկավարժին այս շաբաթ առեւանգել են եւ պլանավորել են երկրից դուրս տանել, սակայն տեղի իշխանությունները խանգարել են դրան, հայտնում է The New York Times-ը։

Մանկավարժ Վեյսել Աքսայը ղեկավարում է միջազգային դպրոցների ցանցը, որը կապված է թուրքական քարոզիչ Ֆեթուլահ Գյուլենի հետ, որին Անկարան մեղադրում է հեղաշրջման կազմակերպման մեջ։

Հուլիսի 27-ի առավոտյան անծանոթ մարդիկ մայրաքաղաք Ուլան Բատորում Աքսային հրելով նստեցրել են նրա տան կողքին կայանված միկրոավտոբուս։

Մի քանի ժամ անց Ուլան Բատորի օդանավակայան է վայրէջք կատարել թուրքական չարտերային ինքնաթիռ, որը Flightradar24-ի տվյալներով՝ Թուրքիայի ռազմաօդային ուժերի կողմից շահագործվող Bombardier ռեակտիվ ինքնաթիռ է եղել։

Երբ հայտնի է դարձել ինքնաթիռի մասին, Աքսայի ընտանիքի անդամներն ու ընկերները հավաքվել են օդանավակայանում։ Օրվա երկրորդ կեսին հետեւել է Մոնղոլիայի ԱԳՆ հայտարարությունն այն մասին, որ կառավարությունը կարգադրել է ինքնաթիռին օդ չբարձրանալ։

ԱԳՆ-ում հայտնել են, որ Աքսայի առեւանգումը «Մոնղոլիայի ինքնիշխանության եւ անկախության խախտման անընդունելի գործողություն կլիներ, եւ Մոնղոլիան կտրականապես դեմ հանդես կգա դրան»:

Ինքնաթիռը լքել է Մոնղոլիան հուլիսի 27-ին ժամը 21։15-ին առանց Աքսայի։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով