Ռոհանին հարկ չի համարում պատասխանել Թրամփի «դատարկ սպառնալիքներին»

Իրանի նախագահ Հասան Ռոհանին հարկ չի համարում պատասխանել Միացյալ Նահանգների նախագահ Դոնալդ Թրամփի, իր ձևակերպմամբ՝ «դատարկ սպառնալիքներին»: Իրանական IRNA լրատվական գործակալության փոխանցմամբ՝ Ռոհանին ընդգծել է․ - «Մենք պետք է պատասխանենք գործողությամբ»:

Օրեր առաջ Դոնալդ Թրամփը Թվիթերում գրառմամբ զգուշացրել էր Իրանին՝ «չսպառնալ Միացյալ Նահանգներին, հակառակ դեպքում կհաջորդեն այնպիսի հետևանքներ, որոնք չի տեսել Իրանը իր ամբողջ պատմության ընթացքում»: Ավելի ուշ իր ելույթներից մեկում Թրամփը հայտարարել էր, թե Միացյալ Նահանգները «պատրաստ է գործարք կնքել» Իրանի միջուկային ծրագիրը խաթարելու համար:

Այս տարվա մայիսին ԱՄՆ-ը դուրս եկավ 2015 թվականին Իրանի և գերտերությունների միջև կնքված միջուկային պայմանագրից, որը նախագահ Թրամփը անվանեց «աղետ»:

Այս թեմայով Իրանը խոստացել է դուրս չգալ միջուկային ծրագրից Իրանը Եվրոպային 60 օր է տվել Եվրոպան Իրանին կոչ է անում պահպանել միջուկային համաձայնագիրը «Եվրոպան պետք է համոզի Իրանին մնալ միջուկային գործարքում». Մակրոն Իրանը նամակ է հղել «միջնորդ հնգյակին» և հայտնել իրանական միջուկային գործարքից մասամբ դուրս գալու մասին