Թուրքիան վերածվել է տարածաշրջանում ագրեսոր երկրի

Թուրքիան վերածվել է տարածաշրջանում ագրեսոր երկրի, իսկ սիրիական Աֆրինում ռազմական գործողությամբ «հատել է թույլատրելի սահմանը»։ Նման հայտարարություն է արել Նիդեռլանդների խորհրդարանի «Քրիստոնեական միություն» խմբակցության պատգամավոր Գերտ Յան Սեգերսը, հայտնում է BBC-ի թուրքական ծառայությունը։

Սեգերսը հայտարարել է, որ Թուրքիայի դեմ որևէ ռազմական հարձակման դեպքում իրենց խմբակցությունը դեմ դուրս կգա ՆԱՏՕ-ի համաձայնագրի 5-րդ կետով նախատեսված ռազմական աջակցության պահանջին՝ չցանկանալով օգնություն ցուցաբերել Թուրքիային։

Նիդեռլանդցի պատգամավորը նաև կոչ է արել դադարեցնել Թուրքիայի՝ Եվրամիությանն անդամակցության շուրջ բանակցությունները, ինչպես նաև քննադատել է Նիդեռլանդների իշխանություններին, որոնք, ըստ իրեն, բավականաչափ կոշտ դիրքորոշում չեն որդեգրել Թուրքիայի մի շարք քայլերի դեմ։

Ըստ Սեգերսի՝ Նիդեռլանդների իշխանությունները վախենում են Թուրքիայի և ԵՄ-ի միջև միգրացիոն համաձայնագրի կասեցումից և այդ պատճառով խուսափում են առավել բաց ձևով քննադատել Թուրքիային։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով