Թուրքական օդուժը հարվածներ է հասցրել Իրաքի հյուսիսային շրջաններին

Թուրքական օդուժը հրթիռակոծել է Իրաքի հյուսիսային մի շարք շրջաններ՝ հարվածներ հասցնելով «Քրդստանի աշխատավորական կուսակցություն» խմբավորման դիրքերին, այս մասին տեղեկացնում է թուրքական «Անադոլու» գործակալությունը։

Հայտնի է, որ թուրքական F-16 կործանիչները հարվածել են Իրաքի հյուսիսային Զափ և Ավաշին- Բասյան շրջաններին։ Աղբյուրը հաղորդում է, որ գործողության ժամանակ սպանվել է մի քանի քուրդ զինյալ։

Օրեր առաջ Թուրքիայի ԶՈւ ԳՇ պետ Հուլուսի Աքարը հայտարարել է, որ թուրքական ԶՈւ-ն շարունակելու է գործողություններն Իրաքի հյուսիսում, ինչպես նաև Սիրիայում։

Հիշեցնենք, որ ՔԱԿ-ը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան, Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում հիմնել քրդական անկախ պետություն:

Թուրք-քրդական հարաբերությունների սրման հերթական փուլը սկսվել է 2015-ի ամռանը:

Կազմակերպությունը 1978 թվականին հիմնադրել է Աբդուլլահ Օջալանը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով