Ճապոնիան ՌԴ-ին ափսոսանք է հայտնել՝ կապված Կուրիլներում զորավարժությունների հետ
Ճապոնիայի կառավարությունը Ռոսաստանին ափսոսանք է հայտնել՝ կապված զորավարժությունների հետ, որոնք, ինչպես հաղորդվում է, նախատեսված են Կուրիլների հարավային մասում Իտուրուպ կղզում: Yomiuri Shimbun պարբերականը նշում է, որ ՌԴ ԱԳՆ-ին այս մասին հայտնվել է Մոսկվայում Ճապոնիայի դեսպանատան միջոցով:
Այս տեղեկությունների համաձայն՝ ռուսական կողմը մերժել է Տոկիոյի հայտարարությունը՝ շեշտելով, որ վարժանքներն անցկացվում են ազգային տարածքի սահմաններում:
Ճապոնիայի կառավարությունը միայն հունիսի 11-ին է հայտնել, որ Ռուսաստանին բողոք է հայտարարել՝ կապված Կուրիլների հարավային հատվածում մանրաթելա-օպտիկական գիծ անցկացնելու հետ, որը Տոկիոն համարում է իր հյուսիսային տարածքը:
Ճապոնիան հավակնում է Իտուրուպ, Կունաշիր, Շիկոտան կղզիներին եւ անբնակ շղթային, որը Ճապոնիայում Հաբոմաի են անվանում: