Մակրոնն իր աջակցությունն է հայտնել Էրդողանին «բռնակալ» անվանած Le Point պարբերականին

Ֆրանսիայի նախագահ Էմանուել Մակրոնն իր աջակցությունն է հայտնել ֆրանսիական հեղինակավոր Le Point պարբերականին, որի գովազդային շապիկները իջեցվել էին տեղի թուրքական համայնքի մի շարք ներկայացուցիչների կողմից՝ Թուրքիայի նախագահ Ռեջեփ Թայիփ Էրդողանի նկարով ու «բռնակալ» գրությամբ պաստառի պատճառով։

Twitter-ի իր պաշտոնական էջում Մակրոնը պարբերականի գովազդային շապիկի դեմ հարձակումները համարել է անընդունելի։ Ըստ Մակրոնի՝ մամուլն իր ազատության ազատության համար չպետք է գին վճարի և առանց այդ ազատության երկրները վերածվում են իսկական բռնապետության։

Հիշեցնենք, որ նախօրեին Ֆրանսիայի Ավինյոն քաղաքում բնկավող թուրքերը պոկել էին Le Point -ի՝ Էրդողանի պատկերով գովազդային պաստառները։ Ավելի ուշ տեղի ժանդարմերիայի աշխատակիցները կրկին կախել են գովազդային պաստառը՝ դրա մոտ հսկողություն սահմանելով։

Նշվում է, որ Ֆրանսիայի որոշ քաղաքներում թուրքերը փակել են գովազդային պաստառը, վնասել այն կամ ներկել։