Եմենում ձերբակալվել է ԻՊ-ի հրամանատարներից մեկը

Եմենում ձերբակալվել է «Իսլամական պետություն» ահաբեկչական կազմակերպության պարագլուխը։ Այս մասին հաղորդել են երկրի ներքին գործերի նախարարությունից, փոխանցում է Al Arabiya-ն։

Հաղորդագրությունում նշվում է, որ նա ձերբակալվել է երկրի հարավում՝ Լահջ նահանգում։ ՆԳՆ-ում հայտնել են, որ ձերբակալվածը ղեկավարել է ահաբեկիչների գործողությունները Յաֆա նահանգում։

Al Arabiya-ի հաղորդմամբ՝ իրավապահ մարմինների աշխատակիցները հայտնել են ծայրահեղական կազմակերպությունների առաջնորդների եւ անդամների ձերբակալության մասին մի քանի հարավային նահանգներում, այդ թվում՝ Լահջում։ Վերջին ամիսներին «Իսլամական պետություն»-ը ստանձնել է եմենական իրավապահ մարմինների աշխատակիցների վրա հարձակումների պատասխանատվությունը։ Նրանց թիրախն է եղել նաեւ երկրի հարավի զորամասերն ու այլ օբյեկտներ։