Գազայի սահմանին իսրայելցի զինվորականների հետ բախումների հետևանքով զոհված պաղեստինցի ցուցարարների թիվը հասել է 41-ի

Գազայի հատվածի սահմանների մոտ իսրայելցի զինվորականների հետ բախումների հետևանքով զոհերի թիվը հասել է 41-ի: Այս մասին հայտնում է РИА Новости-ն՝ վկայակոչելով տեղի առողջապահական ծառայությունների պաշտոնական ներկայացուցչին:

Ուժայինները կրակ են բացում բողոքի ցույցերի առավել ագրեսիվ մասնակիցների ուղղությամբ: Ցույցերի մասշտաբն ու վրդովմունքի ալիքը զգալիորեն մեծացել են Երուսաղեմում ամերիկյան դեսպանատան բացման ֆոնին:

Ավելի վաղ հաղորդվում էր 16 զոհի և հարյուրավոր վիրավորների մասին: Ներկա պահին վիրավորների թիվը հասել է 1703-ի:

Իսրայելցի զինվորականների գնահատումներով՝ անկարգություններին ավելի քան 35 000 մարդ է մասնակցում՝ սահմանի 12 հատվածում: Նրանք ինքնաշեն պայթուցիկ սարքեր և այրվող խառնուրդով շշեր են նետում, անվադողեր են այրում և փորձում են կոտրել սահմանային արգելապատնեշները:

Զինվորականներն ի պատասխան հատուկ միջոցներ են կիրառում և կրակ բացում ցուցարարների ուղղությամբ:

Հիշեցնենք, որ այսօր ընթանում է Երուսաղեմում ԱՄՆ դիվանագիտական ներկայացուցչության բացման արարողությունը, որին ասնակցելու նպատակով նախօրեին Իսրայել են ժամանել ԱՄՆ նախագահ Դոնալդ Թրամփի դուստր Իվանկան և նրա ամուսինը՝ Ջարեդ Կուշները, որոնք երկուսն էլ Սպիտակ տան ավագ խորհրդականներ են:

Այս թեմայով Սուր քննադատություն Իսրայելի հասցեին Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ Բայդենը պնդում է, թե Նեթանյահուն Պաղեստինի անկախության կողմնակից է Իսրայելը ֆինանսավորել է ՀԱՄԱՍ-ին, որպեսզի թուլացնի Պաղեստինի ինքնավարությունը. Բորել Պաղեստինցիների դաժան սպանությունը շարունակվում է նաեւ այս տարի