Աֆղանստանում մզկիթի մոտ ընտրողների գրանցման կենտրոնում պայթյունից առնվազն 10 մարդ է զոհվել

Աֆղանստանի արևելյան Խոստ նահանգում մզկիթի մոտ իրականացված պայթյունի հետևանքով 10 մարդ է զոհվել, շուրջ երեք տասնյակ վիրավորներ կան: Այս մասին հայտնում են պաշտոնյանները՝ հավելելով, որ զոհերի թիվը հնարավոր է ավելանա:

Նահանգի ոստիկանապետ Աբդուլ Հանանը «Ֆրանս Պրես»-ին ասել է, որ ռումբը տեղադրված էր մեծ վրանում, որը մզկիթին առընթեր օգտագործվում էր որպես ընտրողներին գրանցելու կենտրոն:

Աֆղանստանում խորհրդարանական և նահանգային խորհուրդների ընտրությունները նշանակված են հուլիսի 20-ին:

Անցած ամիս, Քաբուլում ընտրողների գրանցման կենտրոններից մեկում մահապարտ ահաբեկչի իրականացրած պայթյունի հետևանքով 57 մարդ էր զոհվել, 120-ը՝ վիրավորվել:

Այս թեմայով Աֆղանստանում ռազմական ուղղաթիռ է կործանվել Աֆղանստանում 3 չեխ զինծառայող է զոհվել Աֆղանստանում մզկիթում ահաբեկչության հետեւանքով 15 մարդ է զոհվել Քաբուլի կենտրոնում արկ է ընկել, որի հետեւանքով 3 մարդ վիրավորվել է Աֆղանստանում հաջողությամբ շարունակում են միմյանց սպանել եւ ոչնչացնել