Ռուսաստանում «Նա մեր ցարը չէ» բողոքի ակցիաների ժամանակ ավելի քան 1600 մարդ է բերման ենթարկվել

«Նա մեր ցարը չէ» կարգախոսով Ռուսաստանի նախագահ Վլադիմիր Պուտինի դեմ երեկվանից ամբողջ Ռուսաստանով մեկնարկած բողոքի ակցիաների ժամանակ ավելի քան 1600 մարդ է բերման ենթարկվել, հայտարարում է «Ազատության» ռուսական ծառայությունը՝ վկայակոչելով "ОВД-Инфо" պորտալը։

Բերման ենթարկվածների թիվը մեծ է հատկապես Մոսկվակում և Սանկտ-Պետերբուրգում։

Նշենք, որ երեկ Մոսկվայի կենտրոնում՝ Պուշկինսկայա հրապարակից, բերման է ենթարկվել նաև ցույցերի կազմակերպիչ, ռուսաստանցի ընդդիմադիր գործիչ Ալեքսեյ Նավալնին:

Հիշեցնենք՝ մայիսի 7-ին տեղի կունենա Վլադիմիր Պուտինի երդմնակալության արարողությունը, նա չորրորդ անգամ կստանձնի Ռուսաստանի նախագահի պաշտոնը:

Սանկտ-Պետերբերգում ցուցարարների և ոստիկանների միջև բախում է տեղի ունեցել․ ցուցարարները բարիկադներ են կառուցել և փորձել են ճեղքել զինվորականների կազմած պատն ու ներխուժել Սանկտ-Պետերբուրգի կենտրոնական հրապարակ։ Ոստիկանները ցուցարարների նկատմամբ բիրտ ուժ են կիրառել, ինչպես նաև ռետինե մահակներ։

Ռուսաստանում բերման ենթարկվածների թվում երկու երեխա կա։

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)