Կլոդ Պյուել. Լավ նորություն է, որ Մխիթարյանը չկա

«Սաութհեմփթոնի» գլխավոր մարզիչ Կլոդ Պյուելը խոսել է Անգլիական լիգայի գավաթի եզրափակչում «Մանչեսթեր Յունայթեդի» հետ առաջիկա հանդիպման մասին, ինչպես նաև անդրադարձել Հենրիխ Մխիթարյանի վնասվածքին:

«Մխիթարյանի բացակայությունը լա՞վ նորություն է: Այո, հնարավոր է: Սակայն ունենալով այդքան լավ ֆուտբոլիստներ կազմում` նրանք կարող են Հենրիխին փոխարինել տաղանդավոր խաղացողով:

Այս մրցաշարում մեկնարկել ենք երիտասարդ ֆուտբոլիստներով, այնուհետև նրանց փոխարինել են փորձառուները: Կարևոր է ունենալ տարբեր որակներ: Լավ է, որ հակագրոհելու հնարավորություն ունենք, դա կարևոր է, սակայն պետք է պաշտպանվենք և գրոհենք միասին»,- Պյուելի խոսքը մեջբերում է Goal.com-ը:

Հիշեցնենք, որ «Մանչեսթեր Յունայթեդ» - «Սաութհեմփթոն» հանդիպումը կկայանա փետրվարի 26-ին:

tert.am