Սիրիայում հարվածները ահաբեկիչներին կարող են հնարավորություն տալ ընդլայնել իրենց գործունեությունը տարածաշրջանում․ Իրաք

Սիրիայի ուղղությամբ ԱՄՆ-ի, Մեծ Բրիտանիայի եւ Ֆրանսիայի հրթիռային հարվածները ահաբեկիչներին կարող են հնարավորություն տալ ընդլայնել իրենց գործունեությունը տարածաշրջանում։ Այս մասին նշված է Իրաքի արտաքին գործերի նախարարության հայտարարությունում։

Բաղդադում նշել են, որ հրթիռային հարվածները «շատ վտանգավոր զարգացում են»: «Նման գործողությունները կարող են վտանգավոր հետեւանքներ ունենալ` տարածաշրջանում սպառնալիքի տակ դնելով անվտանգությունն եւ կայունությունը, եւ ահաբեկիչներին եւս մեկ հնարավորություն տալով ընդլայնել իրենց գործունեությունն այն բանից հետո, երբ նրանց արտաքսեցին Իրաքից եւ ստիպեցին զգալիորեն զիջել Սիրիայում»,-նշված է հայտարարության մեջ:

Իրաքի ԱԳՆ-ն կոչ է արել արաբական երկրներին իրավիճակը քննարկել Արաբական պետությունների լիգայի գագաթաժողովի ժամանակ, որը պետք է կայանա ապրիլի 15-ին Սաուդյան Արաբիայում։

news.am

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը