Առանց ստերի թվագրման եւ վիրավորանքի
Մանիպուլյացիայի դասեր «Սյուզան Սիմոնյանից»
Forrights.am կայքի «աղմկահարույց» հրապարակման պատասխանը բնականաբար դուր չի եկել նրա հեղինակներին, որոնք երբեք ջանք չեն խնայել վարկաբեկել նաև իրենց խաղաղությունը ապահովող բանակին: Սա հարցի հուզական կողմը․ խոսենք փաստերով:
Նրանք փորձելով արդարացնել իրենց քայլերը՝ աղավաղել են քրեական գործերի ներկայացումը, հետևաբար մեղադրյալի և տուժողի անունների վրա ուղղակի խաղում են: Այլ մանրամասներ հասկանալի պատճառներով չեմ հայտնում: Անհրաժեշտության դեպքում կներեկայցվի պատկան մարմիններին։
Սակայն այսպես ասած հետաքննության մեջ հիմնական մանիպուլյացիան կայանում է նրանում, որ իրենք իրենց միակողմանի նյութում մակերեսային անդրադառնալով այլ անձանց՝ իրենց ապահովագրում են հետագա մեղադրանքներից:
Հարգելի Սյուզան Սիմոնյան,
Ձեր գործելաոճը վաղուց է հայտնի մեզ: Դուք կարող եք մեջբերել հիսուն մարդու խոսք, բայց նյութը կառուցել մեկ մարդու ասածի վրա, տվյալ դեպքում զինվորի մոր, իսկ որ ամենակարևորն է, Դուք վերնագրով ամեն ինչ արդեն անում եք: Դուք լավ սերտել եք ընթերցողների մի ստվար զանգվածի ցածր իրավագիտակցությունը այն առումով, որ գիտեք՝ մարդկանց մեծ մասը չի էլ կարդալու նյութը, դրա համար էլ հենց վերնագրում ամեն ինչ գրում եք, իսկ հարցական դնելով Ձեզ ապահովում իրավական պատասխանատվությունից: Ես՝ ի տարբերություն Ձեզ, ստերի թվագրում չեմ անի, ու նաև չեմ վիրավորի Ձեզ:
Դուք լավ գիտեք, որ կարելի է ինձ երեկոյան ժամը 21:30-ին ֆեյսբուքում հարց ուղղել, որը պահանջում է գործի մանրամասն ուսումնասիրություն, իսկ առավոտյան հիշեցնելով ու չսպասելով հարցման պատասխանին՝ նյութ եք հրապարակում: Մնացածը նույն ոգով: Պատասխան նյութում երկար բարակ լղոզումներից հետո կատարել եք ամենակարևորը՝ գրել մի վերնագիր, որտեղ երևա, որ զինվորը "կործանվում է", իսկ նախարարը կարող էր նրան փրկել, սակայն միտումնավոր ոչինչ չի արել: Սակայն ոչ մի հիմնավորում չկար, որ որևէ մեկը կործանվում է:
Բայց դա արդեն էական չէ: Ամենակարևորը, որ խախտում եք, այն է, որ ոչնչով չհիմնավորված մի «իրադարձություն» դարձնում եք քննարկման հիմնական ուղղություն, ոչ մի կերպ շանս չտալով մարդկանց՝ ստուգել, ճշտել իրականությունը: Եվ քանի որ տարիներ շարունակ ինքներդ եք ձևավորել հստակ թրենդ, ուղղություն, ապա նոր ջանքեր պետք չեն, մարդկանց մի մասը միանգամից բացասական է տրամադրվելու, բայց երբեք հարց չեք տվել՝ ում հանդեպ եք այդ բացասական վերաբերմունքը ձևավորում, ո՞ւր կարող է այդ ամենը տանել: Իհարկե դա Ձեզ պետք չէ: Մնացածը թողնում եմ առողջ դատողություն ունեցող մարդկանց, որոնք բարեբախտաբար չեն ընկել ձեր թակարդը:
Արծրուն Հովհաննիսյանի ֆեյսբուքյան էջից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Ամբերդ ամրոց և Քարի լիճ տանող ավտոճանապարհները փակ են
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ