Եվրամիությունը Ռուսաստանից իր դեսպանին հետ է կանչում

Շվեդիայի վարչապետ Ստեֆան Լեւենը Բրյուսելում Եվրամիության երկրների առաջնորդների բանակցությունների արդյունքներով հայտարարել է, որ գագաթնաժողովում որոշում է ընդունվել Ռուսաստանում ԵՄ դեսպանին հետ կանչելու մասին, փոխանցում է «ՌԻԱ Նովոստի»-ն:

Դրանից զատ, աղբյուրը հաստատել է, որ Եվրամիության որոշ երկրներ, հնարավոր է, «Սկրիպալի գործի» հետ կապված ռուսաստանցի դիվանագետներին արտաքսեն՝ հետեւելով բրիտանական իշխանությունների օրինակին:

Հիշեցնենք, որ մարտի 4-ին ՀԳՎ նախկին սպա Սերգեյ Սկրիպալին եւ նրա դուստր Յուլյային անգիտակից վիճակում հայտնաբերել էին Սոլսբերիում: Պաշտոնական Լոնդոնը պնդում է, որ Սկրիպալին թունավորել էին խորհրդային «Նովիչոկ» ծրագրի շրջանակում մշակված նյութով:

Բրիտանական իշխանությունները որոշել էին երկրից արտաքսել ռուսաստանցի 23 դիվանագետի, ինչպես նաեւ սառեցնել Ռուսաստանի հետ բարձր մակարդակով երկկողմ շփումները: Մոսկված հայելային միջոցառումներ էր ընդունել եւ հայտարարել բրիտանացի 23 դիվանագետի արտաքսման մասին, հետ էր կանչել Սանկտ Պետերբուրգում հյուպատոսություն բացելու թույլտվությունը եւ հայտարարել Բրիտանական խորհրդի աշխատանքի դադարեցման մասին:

Այս թեմայով Սկրիպալներին «թունավորողին» նկատել են ՌԴ գլխավոր հետախուզական վարչության գեներալի դստեր հարսանիքին (լուսանկար) Սերգեյ Սկրիպալը թունավորման դեպքից հետո առաջին անգամ զանգահարել է հարազատներին Սկրիպալների գործով ԱՄՆ-ն նոր պատժամիջոցներ է պատրաստում Ռուսաստանի դեմ Վիկտորյա Սկրիպալը պատմել է «տառապանքների տարվա» մասին Սերգեյ Սկրիպալի առողջական վիճակը վատացել է