«Մենք մեր աղջկան այդպես չենք դաստիարակել»,– ասում է Յանա Եգորյանի մայրը
«Մենք մեր աղջկան այնպես չենք դաստիարակել, որ նա ասի, թե՝ «թքած ունի Հայաստանի եւ Ադրբեջանի հակամարտության վրա»։ Չնայած, որ Յանան մեծացել է հայրենիքից հեռու, նա միշտ շատ մեծ բարությամբ է վերաբերվել թե իր արմատներին, թե՝ հայրենակիցներին»,– ասել է Մարինա Եգորյանը, օլիմպիական խաղերի կրկնակի չեմպիոն՝ Յանա Եգորյանի մայրը։
Ըստ սուսերամարտիկի մոր խոսքերի՝ մինչ Յանայի հետ կապվելը, «Էքսպրես» պարբերականի լրագրողը կապվել է իր հետ եւ խաբել՝ ներկայանալով որպես «Մոսկովսկի Կոմսոմոլեց»–ի թղթակից, որիշ շնորհիվ էլ ստացել է Յանայի հեռախոսահամարը։
«Իրականում լրագրողի՝ «ինչպե՞ս եք վերաբերվում ադրբեջանցիներին եւ ինչպե՞ս եք արձագանքում Հայաստանի եւ Ադրբեջանի կոնֆլիկտին» հարցի պատասխանը իմ դստեր շուրթերից հետեւյալ կերպ է հնչել. «Ես տարբեր ազգությունների շատ ընկերներ ունեմ՝ մոլդովացիներ, թաթարներ, օսեր, հայեր եւ այդ թվում՝ ադրբեջանցիներ։ Ռուսաստանի սուսերամարտի գլխավոր մարզիչը նույնպես ադրբեջանցի է, եւ մենք հրաշալի շփվում ենք։ Ես չեմ հետաքրքրվում քաղաքականությամբ, ինձ համար կարեւորը մարդն է։ Իսկ թե ով է նա ազգությամբ, ինձ չի հետաքրքրում։ Սպորտը պետք է լինի քաղաքականությունից դուրս»,– պատմել է Մարինա Եգորյանը։
Սպորտսմենուհու մայրը խոստովանել է, որ սոցցանցերում հայ օգտատերերի զայրույթով լի քննարկումները, որ սկիզբ էին առել «Էքսպրես»–ում հրապարակումից հետո, շատ են հուզել եւ տխրեցնել Յանային։
«Ովքեր ճանաչում են մեր ընտանիքը եւ Յանային՝ մեզ սատարել են։ Վիրավորական է, երբ շատերը վատ բաներ են գրում աղջկաս մասին՝ առանց իմանալու ամբողջ ճշմարտությունը։ Ինչ վերաբերում է այն լրագրողին, ապա անձամբ նրա հետ մենք չենք կապվել, քանի որ նա դրան արժանի չէ։ Մենք գործի ենք դրել այլ միջոցներ, որպեսզի նրան հասցնեն, թե ինչ տգեղ բան է արել»,– ասել է ավագ Եգորյանը։
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
ԱՄՆ-ը աշխատում է Բելառուսից կալիումական պարարտանյութերի ձեռքբերման խոշոր գործարքի ուղղությամբ
Սպիտակ տունը գործարկել է Trump TV-ն