FA-ն համաձայնել է ձմեռային ընդմիջում սահմանել Պրեմյեր լիգայում

Անգլիայի ֆուտբոլային ասոցիացիան (FA) Պրեմյեր լիգայի հետ համաձայնել է 2019/20 մրցաշրջանից ձմեռային դադար անցկացնել առաջնությունում։

The Times-ի համաձայն՝ դադարը կլինի Անգլիայի լիգայի գավաթի խաղարկության 5-րդ շրջանի խաղերի ժամկետները փոխելու եւ վերախաղարկումները չեղյալ հայտարարելու միջոցով։ FA-ն պատրաստ է նման քայլի գնալ անգլիական ակումբների՝ եվրագավաթներում ավելի հաջող ելույթներ ունենալու համար։ Դրա պատճառով ասոցիացիան որոշ արտասահմանյան կազմակերպությունները փոխհատուցում կվճարի խաղերի տեղափոխությունների համար։

Սպասվում է, որ Պրեմյեր լիգայում մոտ 13-օրյա դադար է լինելու փետրվարի սկզբնամասում, իսկ ամանորյա խաղերի (Boxing day) օրացույցը չի փոխվի:

Չեմպիոնշիփում (Անգլիայի առաջին դիվիզիոն) այդ փոփոխությունները հնարավոր չեն, քանի որ առաջնությանը մասնակցում են 24 թիմեր եւ անցկացվում է 46 տուր։

Ավելի վաղ անգլիական ակումբների մարզիչները բողոքել էին, որ հանդիպումների ծանրաբեռնված օրացույցը հանգեցնում խաղացողների վնասվածքների: