Մելոյի կիսադատարկ շիշը
«Ծառուկյան» խմբակցության Մելոն երեկ լրագրողների հետ զրույցում «շշեց»՝ հայտարարելով, որ Սերժ Սարգսյանը հրաշալի ղեկավար է։
Մի կողմ թողնենք Ս. Սարգսյանին։ Բայց եթե նա հրաշալի ղեկավար է, ապա դու ինչ գործ ունես ընդդիմադիր խմբակցությունում։
Մելոյի շիշը կամ կիսով չափ ընդդիմադիր է, կամ կիսոսվ չափ՝ իշխանամետ։ Հայտնի կիսադատարկ բաժակի դիլեմայի նման։ Քաղաքագիտական տեսանկյունից խմբակցությունը պետք է հանրությանը պարզաբանումներ ներկայացնի։ Բայց դե...
Սա միայն Մելիք Մանուկյանի անձնական խնդիրը չէ։ Գուցե նա իսկապես շատ նորմալ մարդ է, լավ գործարար, ով հաջողության է հասել իր ունակությունների և աշխատասիրության շնորհիվ։ Խնդիրը դա չէ։ Սա հասարակության և պետության ողբերգությունն է։ Միակ տրամաբանական հարցը, որ ծագում է, հետևյալն է. ի՞նչ գործ ունի Մելիք Մանուկյանը Ազգային Ժողովում։ Ի՞նչ կարող է տալ նա որպես պատգամավոր այս պետությանը։ Գուցե նա հրաշալի շիշ արտադրող է և հրաշալի շիշ վաճառող, բայց որպես պատգամավոր՝ զրո։ Մարդը 10-15 տարի պատգանավոր է եղել՝ մի բառ խոսե՞լ է, մի բառ գրե՞լ է, մի միտք ձևակերպե՞լ է։ Իհարկե՝ ոչ։ Ու այդպես խորհրդարանում հավաքվել են բոլոր հրաշալիներով ու երկիրը կառավարում են։
Լիներ ուրիշ ընտրական համակարգ, լիներ ուրիշ խաղի կանոն երկրում, լիներ ուրիշ մթնոլորտ՝ Մելիք Մանուկյանի մտքով երբեք չէր անցնի հայտնվել խորհրդարանում։
Մի առանձին թեմա է, իհարկե, ընտրողը, ովքեր հազարներով քվեարկեցին տասնամյակներով գործ չարած պատգամավորի օգտին. 5-10 հազար դրամով։ Նրանց պատկերացումներն էլ պետության մասին այդքան է։
Գոնե հուսանք, որ Սերժ Սարգսյանը չի հավատա Շշի Մելոյի անկեղծությանը, որովհետև նա նույն կերպ ժամանակին խոսել է թե Լ. Տեր-Պետրոսյանի, թե Ռ. Քոչարյանի մասին։ Եվ հետագայում էլ պատրաստ է նույնը անել մեկ ուրիշի հանդեպ։ Այդպիսին է այդ տեսակը...։
Վահրամ Գեւորգյան
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...