Շաքիում վիրավորում ստացած Անի Ավետիսյանն ու նրա երկու երեխաները տուժող են ճանաչվել
Սյունիքի մարզի Շաքի գյուղում ադրբեջանցի զինծառայողի կողմից հրազենային վնասվածքներ ստացած Անի Ավետիսյանը և նրա երկու երեխաները տուժող են ճանաչվել։ «Արմենպրես»-ին այս մասին հայտնեցին ՀՀ քննչական կոմիտեից։
Ավելի վաղ Դատախազությունից հայտնել էին, որ հոկտեմբերի 1-ին ժամը 14։00-ի սահմաններում ադրբեջանցի զինծառայող Նասիմի Մուսաևն ապօրինի մուտք է գործել Շաքի բնակավայրի տներից մեկը և հայտնաբերվելուց հետո կրակոցներ արձակել։ Վիրավորվել է Անի Ավետիսյանը։ Մուսաևը դիմել է փախուստի, ապա հայտնաբերվել գյուղի մեկ այլ հասցեում և ձերբակալվել։
Ավետիսյանը նախ բուժօգնություն է ստացել Սիսիանի բժշկական կենտրոնում, ապա տեղափոխվել Երևան։ Բուժօգնության են դիմել նաև նրա՝ 2011 և 2014 թվականներին ծնված երեխաները․ ավագի մոտ արձանագրվել է աջ դաստակի կոտրվածք, իսկ կրտսերի մոտ՝ փափուկ հյուսվածքների սալջարդ։
Հոկտեմբերի 2-ին Մուսաևի նկատմամբ հարուցվել է հանրային քրեական հետապնդում։ Նույն օրը դատարանի որոշմամբ նա կալանավորվել է երկու ամսով։
Գիտեմ, որ ճիշտ որոշում եմ կայացնում
Իրանի նախագահը հայտարարել է, որ իր երկիրը լայնամասշտաբ պատերազմի վիճակում է
Իրան այցի շրջանակում քննարկված մի շարք պայմանավորվածություններ իրականություն են դառնում
Ջազ համերգ՝ Կասկադի տարածքում
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
Երբ դուրս ես գալիս խաղադաշտ, մտածում ես բացառապես հաղթանակի մասին
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով
Երկրորդ սերնդի մոլորակ
ՄԱԿ-ում վերահաստատվել է Հայաստանի աջակցությունը հատուկ իրավիճակներում գտնվող երկրներին
«Ժողովրդավարությունը՝ որպես Հայաստանի խաղաղության ուղի». դեսպան Նարեկ Մկրտչյանի ելույթը ԱՄՆ-ում