Կայացել է Մակա Բոճորիշվիլու և Պավել Հերչինսկու հանդիպումը
Հավլաբարի նստավայրում կայացել է Վրաստանի արտաքին գործերի նախարար Մակա Բոճորիշվիլու և Վրաստանում Եվրամիության դեսպան Պավել Հերչինսկու հանդիպումը, որը տևել է մոտ մեկ ժամ:
Այն կապված էր մի քանի օր առաջ Բրյուսելում Եվրոպական արտաքին գործողությունների ծառայությունում կայացած միջոցառման ժամանակ Հերչինսկու արած հայտարարության հետ, որում նա ասել էր. «Վրաստանը գտնվում է խաչմերուկում, Վրաստանի ապագան դեռ չի գրվել, բայց այն, ինչ կորոշվի առաջիկա շաբաթներին և ամիսներին, կորոշի, թե արդյոք Վրաստանը պատկանո՞ւմ է ժողովրդավարության, օրենքի գերակայության և մարդու իրավունքների վրա հիմնված եվրոպական երկրների ընտանիքին, թե, ցավոք, կվերադառնա իր մութ անցյալին»։
Եվրամիության դեսպանը հավելել էր. «Մենք չպետք է թույլ տանք, որ Վրաստանը և հրաշալի, ջերմ, հյուրընկալ վրաց ժողովուրդը վերադառնան բռնության, քաղաքացիական պատերազմի, աղքատության, դժվարությունների, կոռուպցիայի մութ ժամանակներին»։
Հայտարարությունն առաջացրել էր Վրաստանի իշխանությունների վրդովմունքը: Ապրիլի 23-ին վարչապետ Իրակլի Կոբախիձեն հայտարարել էր, որ «Եվրամիության դեսպանը վրաց ժողովրդին սպառնում է քաղաքացիական պատերազմով, աղքատացմամբ, և սա նրա անմիջական սպառնալիքն է։ Դրա համար տեղին է նրան կանչել արտաքին գործերի նախարարություն»։
Ապրիլի 24-ին էլ արտգործնախարար Մակա Բոճորիշվիլին ասել էր, որ չի բացառում Պավել Հերչինսկու հետ հանդիպումը հանրապետության արտաքին գործերի նախարարությունում:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո