Ով այգում մի ծիրանի ծառ ունի, իրեն կանաչապատման մասնագետ է համարում. Բեգոյանը՝ Երևանում տնկվող ծառերի մասին
Տարեցտարի աշխարհում, նաև Հայաստանում, ջրի աղբյուրները գնալով պակասում են և մենք վերջին երկու տարիներին ծառատեսակների ընտրության հարցում աշխատում ենք ընտրել չորադիմացկուն տեսակները, իսկ քաղաքային մայթեզրի տնկարկներում և պուրակներում, չորադիմացկունի հետ մեկտեղ նաև ընտրում ենք մեծ սաղարթով և մեծ գեղազարդություն ունեցող ծառեր։ Այս մասին, այսօր՝ դեկտեմբերի 22–ին, մամուլի ասուլիսի ժամանակ նշեց «Կանաչապատում և շրջակա միջավայրի պաշտպանություն» ՀՈԱԿ-ի տնօրեն Արմեն Բեգոյանը։
«Մեզ անընդհատ քարկոծում են, որ մենք առավելություն տալիս ենք ծառերի գեղազարդությանը, բայց դա այդպես չի։ Թումանյան փողոցում տեղադրվել են շատ մեծ գեղազարդություն ունեցող ցերսիս տեսակի, այսինքն հոդայածառ կոչվող ծառերը, որոնք շատ գեղեցիկ են, բայց պետք է փաստենք, որ նրանք շատ չորադիմացկուն են։ Եթե մենք խիղճներս կորցնենք նրանց ամիսը մի անգամ էլ ջրենք կամ չջրենք, միևնույն է նրանք դիմանում են։ Դրա վառ ապացույցները «Հաղթանակ» զբոսայգում են, մենք մեծ ուսումնասիրություններ ենք կատարել և բուսաբանական այգու որոշ հատվածներում, որոնք անջրդի է, այդ ամբողջ չորացած զանգվածում, օրինակ, միայն կարողացել էին դիմակայել այդ հուդայածառերը, որոնք կանաչ էին:
Եթե մարդկանց թվում է, որ այստեղ ինչ-որ մեկը իր ճաշակով կամ իր նախասիրություններով որևիցե ծառ է ընտրում որևիցե տեղ տնկելու համար, ապա ոչ։ Կա մասնագիտական հիմնարկ 1000 հոգուց բաղկացած, այնտեղ կա գիտնականների մի մեծ խումբ, որոնք հենց իրենք են ընտրում ծառատեսակները։
Բուսաբանական ինստիտուտի կողմից տասնամյակներ շարունակ աճեցվել են և փորձարկվել են ծառատեսակները, և Բուսաբանական ինստիտուտի գիտական ղեկավար Ժիրայր Վարդանյանից լավ ո՞վ կարող է ասել, թե որ ծառատեսակներն են ավելի լավ իրենց դրսևորում Երևան քաղաքում։ Կամ անտառագետներից լավ ո՞վ կարող է ասել՝ անտառը ինչ ծառերով հավաքենք։ Ճիշտ է այսօր ստացել ենք մի պատկեր, ով իր այգում մի հատ չգիտեմ ծիրանի ծառ ունի, ինքը իրեն համարում է կանաչապատման մասնագետ, բայց հարգելիներս, քաղաքային կանաչապատումը բավականին լուրջ գիտություն է և վստահեցնում եմ ձեզ, որ ամեն ինչ, ինչ որ արվում է, արվում է գիտնականների ցուցումներով»,– ընդգծեց նա։
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Խստորեն դատապարտելի է․ ՄԻՊ-ը՝ Երևանի քաղաքապետարանում տեղի ունեցած միջադեպի մասին
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Գեղարքունիքից 303 երեխա հանգստի է մեկնել դպրոցականների ամառային ճամբար
Կմիավորվի՞ ընդդիմությունը, և արդյո՞ք դա ուշացած չէ
ՏՏ ոլորտի վարչական ռեգիստրի ictstat.am կայքը տեխնիկական խնդիրներ ունի. այդ ընթացքում հաշվետվություն ...
Ղրիմում նավթային օբյեկտ է թիրախավորվել
Դիդիե Դեշամը հրատապ լքել է Ֆրանսիայի հավաքականի ճամբարը