Գետահովիտում ՈՒԵՖԱ-ի 4-րդ կատեգորիայի ստադիոն կկառուցվի. 20 հողամասի ձեռքբերման համար կապիտալ սուբվենցիա կհատկացվի
Կառավարությունն իր այսօրվա դեկտեմբերի 18–ի նիստում որոշումով պահուստային ֆոնդից 329 մլն 855 հազար դրամ հատկացրեց ՀՀ Տավուշի մարզի Իջևան համայնքի Գետահովիտ բնակավայրի վարչական տարածքում ՈՒԵՖԱ-ի ստանդարտներով ֆուտբոլի մարզադաշտի կառուցման համար անհրաժեշտ հողամասերի ձեռքբերման նպատակով։
ԿԳՄՍ նախարար Ժաննա Անդրեասյանը՝ ներկայացնելով նախագիծը, ասաց, որ առաջարկվող լուծումը քննարկվել է Տավուշի մարզի գործընկերների հետ: Խոսքը 20 սեփականատերերի պատկանող հողամասերի ձեռքբերման մասին է, որը պետք է ծառայի ստադիոնի կառուցման համար: Հողամասերի վաճառքի մասով 20 սեփականատերերի գրավոր համաձայնություններն արդեն իսկ կան:
«Այս նախագծով առաջարկում ենք կապիտալ սուբվենցիա հատկացնել Իջևանի համայնքապետարանին, որպեսզի վերջինիս կողմից իրականացվի հողամասերի ձեռքբերում, նպատակային նշանակությունների փոփոխություն, այնուհետև հողամասերը նվիրաբերվեն ՀՀ-ին ստադիոնի կառուցման նպատակով»,- ասաց նախարարը:
Վարչապետ Նիկոլ Փաշինյանը հետաքրքրվեց՝ պատկերացում կա՞, թե ստադիոնը քանի հանդիսատեսի համար է լինելու, նախարար Անդրեասյանը պատասխանեց. «Խոսում ենք առնվազն 10 հազար տեղի մասին: Մենք արդեն իսկ Վանաձորի ստադիոնի շուրջ ունեցած միջազգային գործընկերների հետ քննարկումներով հասկանում ենք, որ ունենալով տրիբունան ամբողջական, շուրջ 12 հազար հոգի հնարավոր կլինի տեղավորել: ՈՒԵՖԱ-ի 4-րդ կատեգորիայի ստադիոնի մասին է խոսքը»:
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Ջերմուկ համայնքին կվերադարձվի 0.3 հա մակերեսով հողամաս
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Առաջին անգամ Հայաստանում՝ «Համերգ տոտալ մթության մեջ»
Հայաստանն ու Ղազախստանը քննարկել են ագրոոլորտում համագործակցությունը
ԵՄ-ն՝ Հայաստանի բարեփոխումների մասին․ առաջընթացին զուգահեռ դեռեւս խնդիրներ կան
Վաղարշապատի ՏԻՄ ընտրություններում «Հաղթանակ»- ի թեկնածուներն ու համակիրները հարկադրել են քվեարկել իր...