ԱՄՆ և Ուկրաինայի պատվիրակությունները մշակել են թարմացված և կատարելագործված խաղաղության կոնցեպտ. Սպիտակ տուն

Քննարկումների արդյունքում ԱՄՆ և Ուկրաինայի պատվիրակությունները մշակել են թարմացված և կատարելագործված խաղաղության կոնցեպտ, նշվում է Սպիտակ տան և ԱՄՆ առաջին տիկին Մելանյա Թրամփի գրասենյակի կողմից տարածած համատեղ հայտարարության մեջ:

Հայտարարության մեջ նշվում է, որ Ուկրաինան և Միացյալ Նահանգները համաձայնել են առաջիկա օրերին շարունակել ինտենսիվ աշխատանքը համատեղ առաջարկների վրա։ Նրանք նաև սերտ կապի մեջ կմնան իրենց եվրոպացի գործընկերների հետ՝ գործընթացի առաջընթացին զուգընթաց: Հայտարարության մեջ շեշտվում է, որ վերջնական որոշումները կկայացնեն Ուկրաինայի և Միացյալ Նահանգների նախագահները։

Հիշեցնենք, որ նոյեմբերի 23-ին տեղի է ունեցել ԱՄՆ-ի և Ուկրաինայի պատվիրակությունների հանդիպումը, որի ընթացքում քննարկվել է ԱՄՆ-ի կողմից առաջադրված Ուկրաինայի խաղաղության ծրագիրը: 

Այս թեմայով Ուկրաինան այլևս առաջնահերթություն չէ ԱՄՆ-ի համար Ուկրաինայի հարցում ԱՄՆ-ի առաջնահերթությունը կրակի անհապաղ դադարեցումն է. Ռուբիո Վաշինգտոնը մտադիր է վերադարձնել Կիևին հատկացված բոլոր միջոցները ուկրաինական բնական ռեսուրսների վերաբերյալ գործարքի միջոցով Թրամփը կողմնորոշվել Է Ուկրաինային օգնություն ուղարկելու հարցում ԱՄՆ-ն կհրաժարվի Ուկրաինայում պատերшզմի դադարեցման դիվանագիտական ​​ջանքերից, եթե առաջընթաց չգրանցվի. Պետդեպ