ԱՄՆ-ն «Տոմահավկ» հրթիռներ կփոխանցի Ուկրաինային, եթե Ռուսաստանը հրաժարվի կարգավորել պատերազմը․ Թրամփ

Թրամփը նշել  է, որ մտադիր է հարցը քննարկել   Վլադիմիր Պուտինի հետ։

«Ես կարող է ստիպված լինեմ խոսել Ռուսաստանի հետ։ Արդյո՞ք նրանք ուզում են, որ «Տոմահավկ»-երը թռչեն իրենց ուղղությամբ։ Ես այդպես չեմ կարծում։ Պետք է խոսեմ Ռուսաստանի հետ այդ մասին և ասեմ․ «Տեսեք, եթե այս պատերազմը չկարգավորվի, ես նրանց «Տոմահավկ» կուղարկեմ»», – լրագրողներին ասել է նա Իսրայել մեկնող ինքնաթիռում։

Թրամփը նշել է, որ «Տոմահավկ» հրթիռների մատակարարումը կլինի «սրացման նոր մակարդակ»։ Նա հավելել է, որ կարծում է՝ Պուտինը կհամաձայնվի դրան, և եթե նա չհամաձայնվի, դա կարող է վատ ավարտ ունենալ իր համար։