Տարկետում՝ բիրիքով

Պետպատվերով սովորող ուսանողների համար տարկետումը վերացվեց։ Ընդունենք, որ սա քայլ է դեպի արդարության հաստատում։

Մյուս կողմից, նրանք, ովքեր կողմ էին արտահատվում վորոնշյալ օրենքի ընդումանը, (այդ թվում ՝մենք) հատուկ շեշտում էինք, որ սա առանձին վերցրած քայլ չի կարող լինել, եւ որ բանակի խնդիրը կամ զինված ուժերի համալրման խնդիրը թաքնված չէ միայն ուսանողներին տարկետումի իրավունքից զրկելու մեջ։ Եթե այդ օրինագծերը ուղղված էին փակելու կրթական կոռուպցիոն սողանցքները, ապա եթե չլինի շարունակություն, արագ կձեւավորվեն նոր կոռուպցիոն սխեմաներ։

Եթե հետեւողական եւ համակարգված քայլեր չարվեն, ապա նրանք, ովքեր բանակից խուսափում էին ուսհաստատություններում սովորելով եւ իբր գիտությամբ զբաղվելով, ապա հիմա կհամալրեն պատանեկան հավաքականները կամ նույնիսկ կվերաճեն տաղանդավոր երաժիշտների, հնարավոր է նաեւ «ծանր հիվանդություններ» ձեռք բերեն։

Կառավարության նախորդ նիստին ֆուտբոլիստներ Արտակ Լեւոնի Ալեկսանյանին եւ Սեւակ Սուրիկի Ագրամանյանին տարկետում շնորհեց։ Հինգշաբթի օրը կայանալիք նիստին որոշում է կայացվելու մի շարք քաղաքացիների պարտադիր զինվորական ծառայությունից տարկետում տրամադրելու մասին։ Ըստ այդմ՝ Վարդան Պողոսյանին տարկետում կտան մինչեւ 2018 թվականի ձմեռային զորակոչը։ Մինչեւ 2020 թվականի ձմեռային զորակոչը տարկետում կտան Մարտին Արմենակի Գեւորկյանին, Սերոբ Դավիթի Գրիգորյանին, Արտյոմ Վրույրի Սիմոնյանին, Դավիթ Մհերի Մարտիրոսյանին, Միխաիլ Լեւոնի Մարտիրոսյանին, Իվան Ռոմանի Մամախանովին։

Նրանք բոլորն էլ ֆուտբոլիստներն են, գրանցված են Խանջյան 27 հասցեում՝ ֆուտբոլի ֆեդերացիայի շենքում։ Սակայն դեռ հարց է, թե նրանք ինչ ավանդ ունեն հայկական ֆուտբոլի զարգացման գործում։ Կռահում ենք, որ նրանք արտերկրում ապրող ֆուտբոլիստներ են, որ համաձայնել են խաղալ Հայաստանի պատանեկան կամ երիտասարդական հավաքականում, սակայն այս մասին պետք է այնքան մանրամասն տեղեկատվություն մատուցվի, այնքան մանրակրկիտ բացատրություն տրվի, որ հասարակության մոտ որեւէ հարց անպատասխան չմնա։

Վերջին հաշվով, ով է վերահսկելու, թե այս կամ այն պատանի ֆուտբոլիստը կամ երաժիշտն արժանի է տարկետում ստանալու, իսկ արեւելագետը կամ ֆիզիկոսը՝ նման արժանիք չունի։

Հստակ պետք է չափորոշիչներ սահմանվեն, հստակ եւ թափանցիկ որոշումներ պետք է կայացվեն,այլապես այն քայլերը, որ արվեցին արդարության եւ բանակի ուժեղացման ճանապարհին, պարզապես կնկնեն ջուրը։

Նախ հարց՝ ինչպես կարող են բոլոր ֆուտբոլիստները գրանցված լինեն նույն հասցեում։ Կառավարության մոտ հարց չի՞ ծագում։ Ի՞նչ է բոլոր երաժիշտները գրանցված են կոնսերվատորիայում։

Եւ երկրորդ՝ ո՞րն է երաշխիքը, որ վաղը մյուս օր կառավարությունը այլ ցանկերի չի շնորհի տարկետում եւ հասարակությունը չի էլ իմանա, ո՞վ են ո՞վքեր են։

Շատ կարևոր է թափանցիկ աշխատել։ Մենք չենք բացառում, որ տարկետում ստացած բոլոր պատանի ֆուտբոլիստներն են հեռանկարային եւ մեր ֆուտբոլի վաղվա օրն են։ Բայց այդ դեպքում եւ կառավարությունը, եւ ֆեդերացիան, եւ սպորտի նախարարությունը պարտավոր են հանրությանը տալ պարզաբանումներ։

Սուրեն Սարգսյան