Էդուարդ Սպերցյան․ Ցանկանում եմ ուժերս փորձել Եվրոպայում

Հայաստանի հավաքականի եւ «Կրասնոդարի» կիսապաշտպան Էդուարդ Սպերցյանը Ռուսաստանի չեմպիոնի տիտղոսը նվաճելուց հետո խոսել է կարիերան Եվրոպայում շարունակելու ցանկության մասին։

«Տեսնենք, կխաղա՞մ հետագայում «Կրասնոդարում»։ Գաղտնիք չէ, որ ցանկանում եմ ուժերս փորձել Եվրոպայում։ Հիմա կարելի է գնալ Եվրոպա»,- Սպերցյանի խոսքը մեջբերում է championat.com-ը։

«Կրասնոդարն» առաջին անգամ նվաճեց Ռուսաստանի չեմպիոնի տիտղոսը։

Սպերցյանը «Կրասնոդարի» սան է, գլխավոր թիմում հանդես է գալիս 2018 թվականից։ 24-ամյա ֆուտբոլիստը «Կրասնոդարում» մասնակցել է 143 հանդիպման, խփել է 44 գոլ, կատարել 32 գոլային փոխանցում։